注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

追求清新,----透视心灵的世界。

東環望海凴魚躍 織雨鴻山任鳥飛

 
 
 

日志

 
 

【闽南语学习】「臺罗」是承续於十九世纪中叶从厦门开始使用, 已经使用了超过一个半世纪的 闽南语拉丁拼写系统「白话字/POJ」, 据以小改版之后的一整套正式制式拼音。  

2017-05-19 21:32:45|  分类: 现代汉语 |  标签: |举报 |字号 订阅

  下载LOFTER 我的照片书  |
我佇遮閣做一寡仔補充說明,
而且補充這兩套干焦小可仔無仝的拼音,佇無仝的所在怹的細節比較。

「白話字/POJ (又稱 教羅)」佮「臺羅拼音」,有一前一後的承續關係,而且,「臺羅」的設計,或者對POJ小改版當中,毋但有考慮著電腦處理的方便性,嘛有考慮著「臺羅」佮「白話字/POJ」以及POJ文獻,佇電腦轉換的相容性。

所致為仝一个語言的音系所考慮的這兩套拼音系統,毋但差別足少,
而且佇電腦處理當中,會當完全相容 (siong-i?ng),會當直接轉換。

嘛所致,「臺羅」佮「白話字/POJ/教羅」,雖然名稱無仝,
有予較毋知影的人雄雄聽起來敢若是兩套拼音/羅馬字,
其實差別足少,而且會當互相完全相容,袂相拍電。

這兩个拼音系統,踮「符號佮語音對應」的規定當中,干焦有幾个仔精差。精差雖然無濟,不而過,尤其對人的目晭來看 (文字符號是人咧用的),有精差。佇電腦時代,咧拍字的方便性嘛有差(臺羅較方便)。而且對初學者來講,先共怹分開看,會較適當。

嘛因為按呢,建議初學者對「臺羅」學起/用起就好。
因為「臺羅」佇一般電腦頂仔,較好拍出來,嘛較袂去顯示無完全。先學「臺羅』,會曉了後,熟手了後,若後擺想欲用「白話字」,看「白話字」文獻,十足方便轉換適應。

這兩套書面拼音佇「符號佮語音對應」的規定(或者慣例)頂仔,
有精差的部分,算起來總共是干焦下跤這幾項仔爾 ---

聲母部分: ---
1/臺羅ts- ? 白話字有做ts- 佮 ch- 。比較例:「一」tsi?t? chi?t
2/臺羅tsh- ? 白話字有做tsh- 佮 chh-。比較例:「七」tshit? chhit

韻母部分: ---
3/臺羅 ing/-ing ? 白話字 eng/-eng。比較例:「冰」ping?peng
4/臺羅 ik/-ik ? 白話字 ek/-ek。比較例:「色」sik ? sek

5/臺羅共後元音介音,攏一律定做-u- ; 無像白話字閣有做-o-的。
所致咱人話的這兩个介音音位(phoneme),佇臺羅就是干焦用兩个字母符號, i 佮 u 來表示;
佇白話字煞著愛用三个字母:i,u佮o,而且著閣用腦筋記附帶加出來的拼寫規則,來表示。

6/臺羅共低元音/?/一律做-oo,例:「姑」koo;
白話字做較歹拍,有當時會看落勾去的-o?(o後面一个上標點,「姑」ko?);
甚至嘛有拍做-ou的,較無一致。

7/臺羅共鼻化韻母一律用-nn尾來標示,例:「箱」siunn;
白話字是做較歹拍的上標小n(superscript n),例:「箱」siu?,嘛有做大寫-N的。
===================================

干焦這七項無仝,賰的攏相仝。
嗯,臺羅的聲調號允准有「方便版」,用調序號拍踮後面(像「容」iong5)。
而且「正式版」的調號,是規定攏拍踮韻腹頂懸(聲化韻母m佮ng,就拍佇m佮n頂懸)。
白話字佇這點的實務上,較無一定。

最後,猶閣有:
「臺羅」是包容閩臺片閩南語主要口音的拼音。
「臺羅」毋是干焦以一个所在,以一種口音的語音來做考慮爾爾。
「臺羅」的設計,是原仔有共閩臺片閩南語當中,分別佇泉州腔口佮漳州腔口的幾个仔特色音,特色韻母,佇這兩種源頭腔口內面,有分音辨義作用,有音位地位的語音,嘛考慮入去。

也就是講,佇泉漳濫的口音腔口內面(像廈門普遍腔口,以及臺灣普遍腔口),因為磨平作用(levelling),致使已經無去,無音位作用的語音,泉州音佮漳州音的特色音,「臺羅」嘛共考慮入去,而且替遮的特色音,設計固定的符號,共怹規格化、制式化 (譬論講,泉府音的-ir 佮 -er韻;漳音的-ee韻)。

「臺羅」佇這方面的考慮佮設計,予本身是極漳州腔口佮泉州腔口的人(佇臺灣雖然是少數,但是有),會當佇「臺羅」這个拼音系統內面直接就揣有符號,來標示家己口音內面的這種相對特色音。所致,相對來講,「臺羅」嘛是一套足包容的閩臺片閩南語拼音系統。

「臺羅」是佇臺灣的 尊重不同,尊重少數 的社會思維風氣之下,毋但干焦考慮大多數人的口音,嘛同齊時尊重仝語言無仝口音的考慮,所產生的閩南語制式拼音。

  评论这张
 
阅读(13)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017